Стармер е домаќин на европските лидери во куќата Ланкастер во близина на Бакингемската палата. Присуствуваа и украинскиот претседател Володимир Зеленски и шефот на НАТО Марк Руте, канадскиот премиер Џастин Трудо и шефот на турската дипломатија Хакан Фидан.
„Се собравме денес тука бидејќи ова за безбедноста на Европа е момент кој се случува еднаш во генерација и сите мораме да се искажеме“, кажа британскиот премиер на почетокот на средбата.
Добар исход за Украина е „клучен за безбедноста на секоја нација која е тука, а и многу други“, оцени тој.
Собирот во Лондон се одржува неколку дена по разнишувањето на темелите на трансатлантските односи, пишуваат агенциите.
На кавгата на американскиот претседател Доналд Трамп и украинскиот претседател Володимир Зеленски во петокот сведочеше целиот свет. Претседателот на САД го обвини Зеленски дека „се коцка со трета светска војна“ и дека е „полн со омраза“ кон рускиот претседател Владимир Путин.
Генералниот секретар на НАТО Марк Руте пред средбата во Лондон на социјалната мрежа Икс изрази оптимизам. Истакна дека „сите во Европа“ мора да направат повеќе за да го поддржат Киев, дека „сите сакаат мировен договор“, но таков што ќе трае, и дека европските држави мора да го зголемат своето трошење на војските ако сакаат „да ја задржат силата на НАТО“.
Very positive heading into today’s meeting in London. Three key points:
1. Support Ukraine today. All in Europe will need to give more
2. We all want a peace deal, and it has to last. Europe is really stepping up here
3. To keep NATO strong, Europe will increase defence spending pic.twitter.com/ZMLu3ncXM2— Mark Rutte (@SecGenNATO) March 2, 2025
