Минатата недела Русија ги почна своите најголеми воздушни напади против Украина од почетокот на војната во почетокот на 2022 година. Украина повторно побара дополнителна поддршка за да се одбрани од ракетните и нападите со беспилотни летала.
Новата испорака на проектили беше објавена кога британскиот секретар за одбрана Џон Хили присуствуваше на состанокот на украинската Контактна група за одбрана, ад-хок коалиција од околу 50 земји, во американската воздухопловна база во Германија. Британското Министерство за одбрана соопшти дека, во согласност со заложбите на новата влада да ја забрза испораката на помош за Украина, очекува првата серија од најавените ракети да пристигне до крајот на годинава.
„Оваа нова обврска ќе ѝ даде важен поттик на воздушната одбрана на Украина“, се вели во соопштението на Хили. Министерството за одбрана објави и дека ракетите имаат дострел поголем од 6 километри и може да бидат истрелани од различни платформи на копно, море и воздух.
Минатиот понеделник Русија истрела повеќе од 200 проектили и беспилотни летала во Украина, при што загинаа седум лица и беа погодени енергетски објекти низ целата земја во, како што го нарече Киев, „најмасовниот“ напад во војната.
