„Кошницата често го одразува усвојувањето на нови технологии, а враќањето на грамофонските плочи покажува дека на нашето трошење може да влијае и враќање на старата технологија во културата“, објаснува статистичарот на ОНС Мет Кродер.
Плочите се враќаат во кошницата за прв пат по 1992 година, а ќе им се придружат на компакт дисковите, претплатите на апликациите за стримување музика и дигиталното преземање аудио снимки благодарение на силното опоравување на побарувачката по физички носачи на звук.
Статистичарите, пак, од кошницата ќе ги исклучат средствата за дезинфекција на рацете поради „значително намалениот простор на полиците во продавниците за тој вид производи под влијание на падот на побарувачката по завршувањето на пандемијата“.
Кошницата повеќе нема да го вклучува ни печеното пилешко бидејќи некои супермаркети го замениле со свежо готвени пилешки батаци за паузата за ручек.
Новини се и малите електрични рерни кои ќе ги заменат фритезите, имајќи го предвид скокот од 30 отсто во 2022 година. Показатели на вртењето кон поздрава исхрана се и маслото за готвење во спреј, колачот од ориз и безглутенскиот леб.
Во британската кошничка се додадени 16 артикли, а исфрлени се 15. Во моментов содржи 744 производи и услуги.
