вторник, 28 мај 2024

Брако ќе промовира ново електрично возило на саем во Минхен

Брако ќе претстави ново електрично возило од својот бренд Грин машинс на светскиот саем IFAT, кој неделава ќе се одржи во Минхен. Возилото беше развивано две години од страна на инженерскиот тим за развој на Брако/Грин машинс и е сосема ново техничко и функционално решение во програмата за производство на возила за одржување урбана хигиена.

Објавено на

часот

Сподели

Моделот 720 ZE работи на електричен погон и e со технологија од последната генерација, со вградени мотори во задните тркала и управување на сите четири тркала, поголем контејнерски простор, широка кабина за две лица, 360⁰ камера и оптимизиран начин на чистење.

Се очекува новиот модел да отвори уште повеќе пазари во светот, каде се бараат возила за одржување хигиена од овој габарит и перформанси.

Моделот 720 ZE беше најавен како концепт на саемот IFAT во 2022 гoдина и тимот за развој планираше да го развие во следните две години, во што и успеа и создаде возило кое е целосно замислено, проектирано и произведено во погоните на БРАКО.

Возилото во завршна фаза беше претставено пред гостите на прославата на 20-годишнината на Феро инвест и Брако пред шест месеци, а сега во Германија ќе ја доживее својата светска промоција.

ТОП ВЕСТИ

ПОСЛЕДНИ ВЕСТИ