Вицепремиерот Александар Николоски вчера за ТВ Алфа, зборувајќи за пречекот на македонската претседателка Гордана Сиљановса Давкова кај бугарскиот претседател Румен Радев без македонсо државно знаме, рече дека „очигледно домаќинот не е цивилизиран и дека помизерни од нив се само домашните слуги“.
Борисов побара и извинување од македонска страна.
„Очигледно не треба да се прават пријателски средби со овие луѓе, дури и поврзани со операта, надвор од официјалните. Мислам дека постапија подло со претседателот, со министрите кои се сретнаа со нив. Еве да земеме дека од скоро се во власта па можеби не се запознати со протоколарните работи кога станува збор за официјална и неофицијална средба. Но, јазикот што го користат е проблем и е потребно извинување“, рече Борисов кој изјавите ги даде како коментар на поставено новинарско прашање.
Тој додаде дека и лично ќе ја информира Европската народна партија во која членува и партијата ВМРО-ДПМНЕ.
Денеса и бугарското Министерство за надворешни работи упати реакција преку соопштение.
