На заедничката прес-конференција со американскиот државен секретар Антони Блинкен по нивната билатерална средба, Жосеп Борел рече дека ЕУ мора да ѝ овозможи на Кина да разбере дека нејзината „позиција за убиствата и воените злосторства на Русија ќе го одреди квалитетот на нашите односи“.
„Кина има морална должност да придонесе за праведен мир и не може да застане на страната на агресорот“, рече Борел.
„Тие не може воено да ја поддржуваат агресијата“, додаде тој.
Тој рече дека истата порака ќе ја пренесе и Урсула фон дер Лајен, шефицата на Европската комисија, која во вторник ќе го посети Пекинг заедно со францускиот претседател Емануел Макрон.
Тој исто така истакна дека следната недела ќе отпатува за Кина.
Борел и Блинкен денес разговараа за војната во Украина, мировниот процес на Блискиот Исток и ситуацијата во Етиопија и Централноафриканската Република.
„Ја споделивме нашата загриженост за маѓепсаниот круг на насилство во Израел и окупираните палестински територии“, рече Борел, додавајќи дека ЕУ ги поддржува посредничките напори на САД и партнерите во арапскиот свет.
