„Проектот за поднесување барања за издавање на патни исправи преку дипломатско-конзуларните преставништва е отпочнат на 1 октомври 2021 година и до 9 февруари вкупно 47.726 граѓани ја имаат искористено оваа можност да извадат патна исправа преку ДКП-та“, напиша Бојмацалиев.
Наведува дека моментално барања за издавање на патни исправи се поднесува во вкупно 25 дипломатски преставништа и тоа: Љубљана, Лондон, Берн, Берлин, Бон, Минхен, Виена, Њујорк, Чикаго, Венеција, Рим, Малта, Стокхолм, Копенхаген, Пекинг, Малме, Абу Даби, Осло, Брисел, Хаг, Париз, Торонто, Детроит, Мелбурн и Канбера.
„Целокупниот процес – од поднесување на барање до изготвување на патните исправи трае од 15 до 30 дена, што е сериозно кратење на времетраењето на процедурите, ако се земе предвид дека досегашната постапка траеше од четири до пет месеци, со големи трошоци за граѓаните“, напиша Бојмацалиев на фејсбук.
