Сторијата на унгарските пожарникари добро ја отсликува сериозноста на овој пожар, кој директорот на ЦУК, Стојанче Ангелов, постојано го нарекува монструм од пожар.
Пожарот беснее веќе 25 дена и секој ден носи неизвесност, зашто се работи за густа шума, за непристапен и во еден дел стрмен терен. Пожарот проголта огромни пространства густа, стара и квалитетна шума, пеплоса дел од селото Тажево, се закануваше да влезе во Брезница, ѝ се закани и на викенд населбата на езерото Козјак, ѝ се заканува на Белица.
Пожарот и според денешниот билтен на ЦУК е активен, секојдневно се разгорува на нови места потпомогнат од високите температури и ветриштата. Се гасне и од земја и од воздух. Ангажирани се и воениот и полицискиот хеликотер, гаснеа и германски, кипарски, словенечки и српски воздухоплови.
Пламени јазици таму има и денеска. Во билтетот на ЦУК секој ден е на прво место како најголем и најопасен пожар. Јавноста секојдневно очекува Стојанче Ангелов да изјави дека пожарот е изгаснат.
П.Џ.
