На крајот од октомври месец, на гала церемонија во Париз беше доделена „Златната топка“ и оваа престижна индивидуална награда заврши во рацете на Родри од Манчестер Сити.
Изборот покрена голема дебата и полемики, многумина веруваа дека Винисиус Жуниор од Реал Мадрид требал да биде избран за најдобриот фудбалер во годината.
Весникот Л’Екип сега откри повеќе детали и објави дека Родри го победил Винисиус Жуниор со само 41 поен разлика.
Rodri is our 2024 Ballon d’Or! Find out more about the 2024 voting details!https://t.co/1OgZ3qMk90#ballondor pic.twitter.com/kb69T161DD
— Ballon d’Or (@ballondor) November 8, 2024
За победникот гласале 99 новинари (не гласал новинарот од Сирија) и сите одбрале 10 имиња, со тоа што се доделуваат 15, 12, 10, 8, 7, 5, 4. 3, 2 и 1 поени од прво до десето место.
Родри на крајот собрал 1.170 поени, додека пак Винисиус Жуниор 1.129 поени.
Пет новинари не го вметнале Родри помеѓу најдобрите десет, додека пак во случајот на Винисиус Жуниор, тоа го сториле тројца новинари.
Покрај Родри и Винисиус Жуниор, уште седум други фудбалери барем еднаш биле одбрани како прв избор: Белингем (5), Карвахал (4), Крос (2) а по еднаш биле Мбапе, Халанд, Мартинез и Лукман.
