Информациите се засновани на слики објавени на социјалните мрежи на кои се гледа како гори бомбардерот со долг дострел Туполев Ту-22, анализирани од Би-би-си.
Запалениот авион се чини дека е во базата Солци-2, јужно од Санкт Петербург, објави Би-би-си користејќи историски сателитски снимки од воздухопловната база.
Според британскиот медиум, базата на млазниот авион била на местото на нападот и тој бил многу користен за лансирање проектили во Украина за време на војната.
„Сликите објавени на платформата за социјални медиуми Телеграм покажуваат како голем пожар го зафати авионот Ту-22 со карактеристичниот конусен нос“, објави Би-би-си.
Pictures from Soltsy-2 have finally leaked and it does not look good. Looks like a lone RuAF Tu-22(M3?) took a direct hit. pic.twitter.com/PIstWtGEYw
— Intel Crab (@IntelCrab) August 20, 2023
Москва соопшти дека беспилотно летало било погодено од мало оружје, но успеало да го „оштети“ авионот. Украина нема коментар.
Ту-22 може да се движи со двојно поголема брзина од звукот и беше интензивно користен од Русија за напади врз градовите во Украина.
Руското Министерство за одбрана објави во соопштение дека нападот од „беспилотно летало од типот коптер“ се случил околу 10 часот по московско време во саботата.
Локацијата е наведена како „воен аеродром во регионот Новгород“, каде што се наоѓа Солци-2.
„Беспилотното летало беше откриено од набљудувачката станица на аеродромот и беше погодено со оган од мало оружје“, соопшти Министерството.
„Еден авион е оштетен, нема жртви како резултат на терористичкиот акт.“
Иако уништувањето на еден авион ќе има мало влијание врз моќта на сегашната московска флота од 60 летала, операцијата ја нагласува растечката способност на Киев да напаѓа цели длабоко во руската територија, вели Би-би-си.
