вторник, 5 март 2024
Ла Лига

Бензема за 7 минути постигна хет-трик, последниот гол беше особено атрактивен (ВИДЕО)

Објавено на

часот

Сподели

По синоќешната убедлива победа на Барса против Елче, Реал Мадрид денеска одговори со уште поубедлив триумф над Ваљадолид. Можеби битката за титулата е недостижна, но двата ривали во среда го играат реваншот во Копа дел Реј, па со голема самодоверба ќе влезат во тој натпревар.

Попладнево на „Бернабеу“, избраниците на Карло Анчелоти славеа лесно со 6-0.

Резултатот го отвори Родриго, а потоа на сцена стапи Карим Бензема, кој за 7 минути постигна хет-трик. Прво со глава ја затресе мрежата на гостите, потоа биеше неодбранливо од врвот на шеснаесетникот за 3-0, за на крајот атрактивно со акробатски потег да забележи нов гол и 4-0 пред паузата.

Во продолжението од натпреварот, Асенсио погоди за 5-0 во 73. минута а конечниот резултат го постави Лукас Васкез во втората минута од судиското надополнување.

ТОП ВЕСТИ

ПОСЛЕДНИ ВЕСТИ