Белгиските земјоделци се придружија пред три дена на протестите на земјоделците во Франција и Германија.
За време на таканаречената Операција полжав, десетици трактори во неделата со споро возење стигнаа до автопатот јужно од градот Намир во Валонија, на југот на Белгија.
Стотици трактори го блокираа денес сообраќајот на неколку автопати.
WATCH: Farmers in Belgium blocked highways and planned to bar access to the North Sea port, the country's second-largest, joining other European countries in a protest movement over restrictions and imports https://t.co/YWg6LEX4dw pic.twitter.com/iDMV4215M0
— Reuters Asia (@ReutersAsia) January 31, 2024
Земјоделците планираат да протестираат и пред седиштето на Европската Унија за време на самитот кој ќе се одржи утре.
Стотици илјади Белгијци се соочуваат со блокада на сообраќајот обидувајќи се да стигнат на работа или закажаните лекарски прегледи.
И покрај широко распространетите непријатности, владата на премиерот Александар де Кро многу внимателно се справува со протестите, кои се главно мирни.
„Важно е да ги слушаме. Земјоделците се соочуваат со огромни предизвици“, кажа Де Кро.
Белгија во моментов претседава со ЕУ, а Де Кро кажа дека ќе се позанимава со тоа прашање за време на самитот чија главна тема ќе биде воената помош за Украина.
BREAKING: Belgium farmers have joined the protests.
Do you support the Farmers fighting the globalist agenda? pic.twitter.com/ySYjudd2by
— TaraBulls (@TaraBull80888_) January 31, 2024
