„Во светот постојат повеќе од 25.000 Универзитети, од кои повеќе од 15.000 се лоцирани во најразвиените 20 држави во светот. Каков – таков, нашиот УКИМ со своето 1.990 место се наоѓа во само 8% од универзитетите кои воопшто се рангираат.
Тоа е еднакво како нашата Македонија да е 16 најбогата држава во светот, а не 76, или како фудбалската репрезентација да ни е 15 во светот.
За жал во скоро време со сигурност ќе исчезнеме од листата на најдобрите 2.000.
Причините се мултифакторијални и многу добро ги знае секој од асистент до редовен професор.
За подобри резултати веројатно треба да се копира српскиот модел, каде сите четири државни Универзитети се рангирани на оваа листа, а Белградскиот универзитет секоја година бележи напредок.
Ако ви е за каква било утеха, од 4.300 Универзитети во САД, 3.750 се полошо рангирани од УКИМ, а во друштвото на топ 2.000, нема ниту еден од Албанија, Босна и Херцеговина, Косово, и Црна Гора“, вели преку Фејсбук во својата реакција Беќаровски.
