Барса уште еднаш му одржа лекција на Реал Мадрид која можеше да биде и многу потешка, но при водство од 5-1 Шчесни доби црвен картон и Каталонците играа повеќе од половина час со играч помалку.
Мечот почна совршено за Реал Мадрид, кралскиот клуб поведе со гол на Мбапе по само пет минути игра.
Предноста траеше до 22. минута кога Ламин Јамал го изедначи резултатот на 1-1.
Во 36. минута Левандовски погоди од пенал за комплетен пресврт и водство на Барселона од 2-1, а три минути подоцна Рафиња даде гол за 3-1.
Длабоко во судиското продолжение од првиот дел по една контра Балде даде гол за 4-1.
По три минути игра во вториот дел Рафиња даде уште еден гол за неверојатна предност на Барселона од 5-1.
Во 56. минута Војчех Шчесни доби црвен картон поради прекршок врз Мбапе надвор од шеснаесетникот. Од тој слободен удар Родриго постигна гол за конечни 5-2.
