Бајден во саботата кратко им се обрати на новинарите пред Белата куќа, пред да отпатува во претседателската резиденција Камп Дејвид, во сојузната држава Вирџинија. На прашањето за коментар за состојбата на американската економија во претстојната година, претседателот на САД кажа: „Сè е добро. Само погледнете. Почнете да известувате како што треба“.
Бајден во повеќе наврати изрази фрустрација од американските медиуми, бидејќи гласачите и понатаму даваат лоши оценки за неговата економска политика и покрај статистичките извештаи кои покажуваат ниска невработеност и успорување на инфлацијата.
Тој на брифинг за новинарите во Белата куќа во октомври се пожали дека перцепцијата на јавноста за американската економија била расипана од негативниот тон на медиумското известување.
