Овој одговор на претседавачот на одборот на Претставничкиот дом за надзор и одговорност Џејмс Комер му е упатен откако беше одреден датум за сослушување на Хантер Бајден без претходни консултации за неговата достапност и паралелно со закажувањето на сведочења на некои поранешни бизнис партнери на синот на претседателот кои биле критични кон него, пренесува вашингтонскиот дневник Хил.
Адвокатот Еби Ловел кажа дека повикот на Комер стигнал „без претходна комуникација“ и дека го одредил датумот на сослушувањето еден ден пред Бајден да треба да се појави пред суд во Калифорнија поради обвинувања за неплаќање данок.
„Морам да признаам дека сум изненаден од вашето избрзано барање. По сведочењето од повеќе од шест часа на 28 февруари 2024 година, заедно со сознанието дека вашата истрага е заснована на сплет на заговори создадени од осудени лажговци и обвинет руски шпион, мислев дека дури и вие ќе признаете дека вашата неоснована постапка за отповикување е завршена“, напиша Ловел.
Според него, дури и пред да сведочи Хантер Бајден, сведок по сведок ја поткопувале централната премиса на „партиската шарада на републиканците“.
