„СКСМ и членките – најреномираните македонски компании, изразуваат длабока жалост и сочувство кон сите настрадани и повредени лица и членовите на нивните семејства и јавно изјавува дека од денес ќе ги организира своите членки кои изразија желба организирано, преку Комората да помогнат на семејствата на настраданите и тоа ќе биде координирано преку Стручната служба на комората (Билјана Лепавцова 071 291-736).
Како прва интервентна помош, вработените во Стопанската комора на Македонија во текот на утрешниот ден ќе донираат 2 милиони денари на сметката на локалната самоуправа во Кочани. Другата синхронизирана поддршка од компаниите ќе биде итно доставена.
Иако е невообичаено во вакви прилики да се додаваат и други работи, би сакал да изразам сочувство и до сопствениците и менаџерите на компаниите од тој регион, чии вработени доживеаја загуба која е ненадоместлива. Знам дека нема зборови за утеха, но човечки е да се изрази сочувство и да се помогне во вакви моменти, бидејќи комората со своите членки е едно семејство.
До Комората пристигнаа и писма за сочувство од партнерските комори и изразија подготвеност да помогнат за сè што е потребно“, се вели во обраќањето на Азески.
