Времен режим на сообраќај има на А1, делница Демир Капија–Смоквица која е со важност до 1 декември, поради изведба на реконструкција на десната тунелска цевка на тунел Т1.
Десната тунелска цевка на тунел Т1 е целосно затворена за сообраќај, а сообраќајот е целосно пренасочен во левата тунелска цевка со двонасочно одвивање на сообраќајот.
Исто така, до 31 декември ќе има времена измена на сообраќајот и на автопатот на делницата Велес-Неготино, поради изградбата на делницата Градско-клучка Дреново, каде што сообраќајот ќе се одвива под времен режим со соодветно поставена сообраќајна сигнализација.
ЈПДП повикува на внимателност и прилагодување на брзината согласно со условите на патот.
