Во разговор за Фајненшал тајмс, шефот на германската компанија кажа дека американските и европските купувачи кои ќе нарачаат електрично возило денес нема да го добијат до 2023.
Што е разочарувачка информација за потенцијалните купувачи, кажа Дис за ФТ. „Имаме огромен број нарачки за електрични возила. Ова важи за сите наши модели вклучувајќи ги ИД.3, ИД.4, моделите на Ауди, кои се одлично примени на сите пазари, моделите на Шкода кои се популарни во Европа“.
Популарноста на електричните возила е и благослов и проблем за Фолксваген, бидејќи компанијата наводно има над 300.000 нарачки кои допрва треба да ги испорача. Овие нарачки не може да се реализираат преку ноќ, особено поради актуелната криза со чипови, па новите купувачи ќе мора да си го чекаат редот.
Иако Фолксваген се мачи да ги постигне нарачките, компанијата воопшто не успорува откако ги претстави моделите ИД. баз и ИД. баз карго во март. По нив ќе следуваат електричен седан и карван, кои беа најавени со ИД. визион концептот.
