Автоматизираното сопирање или активното итно сопирање е задолжително кај новите возила, но се случува да не работи како што пишува во упатството за возилото.
На пример, автомобил може автоматски да сопре агресивно без пречка пред него. Самиот. Како резултат на тоа, може да настане хаос зад автомобилот што нагло сопира.
Францускиот Л’аутомобил известува за жена која возела пежо 208, чие возило одеднаш почнало да сопира без причина. Како резултат на тоа, автомобилот бил удрен одзади од друго возило.
Ова не е единствената таква приказна, и не е случај само со модели од еден производител. Проблемот е толку голем што и германски суд се занимавал со него.
Минатата година, регионалниот суд во германскиот град Траунштајн официјално го потврди постоењето на таканареченото фантомско сопирање.
По тужба од сопственици на автомобили на Тесла, независен експерт откри неколку неочекувани и опасни проблеми со сопирањето за време на тест возење од 600 километри во тесла Модел 3.
Еден инцидент на автопат без ограничување на брзината, каде што автомобилот одеднаш закочил од 140 на 94 км/ч без очигледна причина, довел до опасна ситуација (верижен судир речиси бил избегнат). Тестот бил прекинат од безбедносни причини.
За време на тужбата, сопственикот на теслата побарал неговиот автомобил да биде заменет поради проблем со системот за помош на возачот.
Судот го прифатил извештајот како доказ, но Тесла и другите производители сè уште негираат дека феноменот постои.
