Следната генерација на џулија и стелвио, од кои вториот требаше да биде лансиран кон средината на 2025 година и веќе е виден во речиси сериска форма, е повторно вратена во развој. Причината е потребата од интегрирање на хибридни погонски склопови, со што ќе се одговори на моменталните пазарни трендови.
За да се пополни празнината создадена од одложувањето, автомобилите од сегашната генерација се во согласност со сите важечки прописи за емисии и безбедност. Ќе останат во продажба со четирицилиндричен бензински мотор со моќност од 278 коњски сили и добро познатиот 2,9-литарски V6 мотор. Дизел верзии повеќе не се нудат.
Производството на V6 квадрифољо беше прекинато во септември 2025 година, но производството ќе продолжи во фабриката Касино во Италија од април оваа година.
Извршниот директор на Алфа Ромео, Санто Фичили, изјави: „Повторно ги отвораме нарачките за џулија и стелвио квадрифољо за да го исполниме ветувањето дадено на нашите клиенти кои се најмногу фокусирани на екстремните перформанси и чистата емоција својствена на ДНК-та на Алфа Ромео. Ова е најдобриот начин да се прослави еден од најпознатите симболи во автомобилскиот свет, кој со себе носи вековна потрага по техничка совршеност применета на натпреварувачки и сериски автомобили“.
„Квадрифољо е најавтентичниот израз на спортскиот дух на Алфа Ромео и нашите автомобили, дизајнирани за вистински ентузијасти за возење, со фокус секогаш на возачот“, додаде тој.
Воведени во 2015 година на тогаш новата платформа „Џорџо“, седанот и кросоверот од тогаш добија само мали ажурирања. Ова ги прави меѓу најстарите автомобили на пазарот, што отвора прашања за нивната долгорочна одржливост. Во последните три години Алфа Ромео го префрли својот фокус на кросоверите тонале и јуниор, наменети за масовна продажба, а стратегијата на производите беше диктирана од форсирањето на електрифицирање на понудата.
