Главната ѕвезда на овој проект е аеродинамиката. Алфа Ромео тврди дека ова е најаеродинамичниот квадрифољо модел некогаш произведен. Предниот браник има карбонски крилца, шасијата има нови профили за создавање отвори за воздух, страничните прагови го оптимизираат протокот на воздух, а масивното задно крило изгледа како да е земено директно од тркачка едрилица.
Инспирацијата доаѓа од тркачкиот глисер АЦ75 на Луна роса, кој овде е свртен наопаку за да создаде притисок нагоре наместо подигнување. Резултатот е импресивни 140 килограми притисок нагоре при 300 км/ч, што е приближно пет пати повеќе од стандардната џулија квадрифољо.
Под хаубата сè уште се наоѓа познатиот 2,9-литарски V6 битурбо мотор кој развива 520 коњски сили како стандард, но познато е дека со едноставно ремапирање може да испорача повеќе од 600 КС.
Механичкиот диференцијал со ограничено пролизгување е одговорен за пренесување на моќноста на подлогата, додека погласниот издувен систем на Акрапович се грижи за „музиката“, осигурувајќи дека никој не помислува дека станува збор за дизел џулија со каросериски кит.
Алфа вели дека целта не била да се промени карактерот на автомобилот, туку дополнително да се изостри – да се обезбеди поголемо прилепување, стабилност и самодоверба при брзини кои се далеку над законските граници.
Кога станува збор за „подобрувања“ на дизајнот, мислењата би можеле да бидат поделени. Бојата на каросеријата е елегантна сива, инспирирана од јахтата Луна роса која се натпреваруваше на 37-от Куп на Америка во Барселона во 2024 година и изгледа фантастично.
Сепак, црната хауба и црвената лента на вратите со логото на Луна роса нема да им се допаднат на сите, а дизајнот на бандажите предизвика контроверзии. Изгледаат како некогаш да биле целосно црвени, но потоа автомобилот возел десет години без никој да се потруди да ја измие прашината од сопирачките.
За среќа, впечатокот се подобрува во ентериерот, каде што седиштата Спарко се покриени со материјал што потсетува на елеците за спасување.
На контролната табла дури има и тенко парче вистинско едро од јахтата Луна роса. Сепак, архитектурата на кокпитот останува иста, на концепцијата стара речиси десет години очајно ѝ е потребна модернизација – и ќе ја добие кога Алфа ќе го претстави наследникот на моделот џулија во 2027 година.
Иако цените не се официјално објавени, сите 10 примероци веќе ги пронашле своите сопственици. Сепак, веста за овој проект би можела да ги охрабри идните сопственици на Алфа да се обратат до тимот на Ботега фуорисерие за создавање на свои уникатни модели квадрифољо.
