Авионот П-8A ја прелета пистата во базата на маринци во заливот Канеохе, изјави наредникот Орландо Перез, портпарол на Корпусот американски маринци. Тој немаше дополнителни информации.
Фотографијата направена од сведок го покажува авионот во вода веднаш до брегот, сцена која потсетува на „Чудото на Хадсон“ од 2009 година, кога комерцијален патнички авион управуван од Чесли „Сали“ Саленбергер принудно слета на река во Њујорк.
Тогаш преживеаја сите 155 луѓе во авионот. П-8А и Ербас А320 со кој пилотираше Саленбергер се приближно со иста големина, пишува Асошиетед прес.
A P-8A “Poseidon” Anti-Submarine and Surveillance Aircraft with the U.S. Navy’s Patrol Squadron Four (VP-4) out of Naval Air Station Whidbey Island in Washington, is reported to have Overshot the Runway today at Marine Corps Air Station Kaneohe Bay on the Hawaiian Island of Oahu… pic.twitter.com/smiy0Os8bw
— OSINTdefender (@sentdefender) November 21, 2023
Дајан Диркс и нејзиното семејство штотуку се вратиле на пристаништето откако дождливото време го прекинало нивното патување со брод кога нејзината ќерка забележала авион на морнарицата во водата.
„Истрчавме до крајот на пристаништето и направив неколку фотографии“, рече таа. Потоа слушнале сирени што допирале од секаде. Диркс вели дека нејзината ќерка имала двоглед за набљудување птици, па затоа можеле да го видат авионот и чамците за спасување како пристигнуваат.
Противпожарната служба во Хонолулу добила пријава за соборениот авион веднаш по 14 часот по локално време, изјави портпаролот Малколм К. Медрано. „Во тоа време беше облачно и врнежливо. Видливоста беше околу 1,5 километар“, рече Томас Вон, метеоролог од Националната метеоролошка служба во Хонолулу.
П-8A често се користи за лов на подморници и за извидување и собирање разузнавачки информации. Тој е произведен од Боинг и дели многу делови со комерцијалниот авион 737. Авионот припаѓа на групата Скини драгонс на патролната ескадрила 4, стационирана на островот Видбеј во државата Вашингтон.
