понеделник, 4 март 2024
Претседателката на Нова алтернатива во ТВ-гостување

Aрсовска: Да дојдеше на конвенцијата функционер од ВМРО-ДПМНЕ, ќе седеше до Зечевиќ

Да дојдеше секретарот на ВМРО-ДПМНЕ ќе седеше во првиот ред каде седеше генералниот секретар на СДСМ, Миле Зечевиќ, изјави претседателката на Нова алтернатива и градоначалничката на Скопје, Данела Арсовска, во гостување на Канал 5 на прашањето да го објасни присуството на функционерот на СДСМ на конвенцијата на Нова Алтернатива на која таа беше промовирана за претседател на таа партија.

Објавено на

часот

Сподели

„Покана за присуство на конвенцијата беше пратена до сите политички партии, што е и досегашна пракса. Да дојдеше и секретарот на ВМРО-ДПМНЕ ќе седеше во првиот ред“, рече Арсовска.

Таа порача дека во Нова алтернатива ќе има спој на луѓе кои не биле дел од политиката, а со кои планираат да ги соединат искуството и енергијата.

„Ќе се залагаме за правда, правичност, економски просперитет и борба со корупцијата“, рече Арсовска.

Во делот на надлежностите како градоначалничка, Арсовска нагласи дека денеска на прес-конференција веќе информирала дека Град Скопје поднесе кривични пријави во МВР против неколку лица во врска со голема дива депонија во општина Ѓорче Петров каде инспектори од Градот евидентирале вршење на екоцид и посочи оти очекува ограните да постапуваат по пријавата.

ТОП ВЕСТИ

ПОСЛЕДНИ ВЕСТИ