Топчиите си ја завршија работата уште во првиот меч и тоа на гостински терен.
Серијата погодоци ја отвори Тимбер во 18. минута, три минути подоцна Нванери даде гол за 2-0, а во 31. минута Мерино погоди за 3-0.
Пред крајот на првото полувреме Ланг го намали резултатот на 3-1 и се чинеше дека домаќините се вратија во игра, но не беше така.
По само две минути игра во вториот дел Одегард даде гол за 4-1, а веќе во следниот напад Тросар погоди за 5-1.
Но тоа не му беше доволно на Арсенал, лондонскиот тим продолжи да ја полни мрежата на ПСВ.
Во 73. минута Одегард даде нов гол, овојпат за 6-1, а точка на мечот стави Калафиори со погодок на пет минути до крајот на натпреварот за конечни 7-1.
Немаше победник на дуелот меѓу Борусија Дортмунд и Лил кој заврши 1-1.
Адејеми во 22. минута донесе водство за Дортнмуд, Харалдсон во 68. минута погоди за Лил.
