Линијата ја одржува со вежбање и здрава исхрана, а не практикува посебна диета. Иако е прилично зафатена во улогата на фотомодел и манекенка, во што и ужива, учи во средното медицинско училиште, со план да го продолжи факултетското образование и еднаш да стане врвен психолог. Ангела смета дека убавината помага во отворањето на вратите, но дека таа не е пресудна.
„Сепак за убаво работно место треба многу повеќе од убавина. На пример, многу е важно да имаш познавање и знаење за работата што ќе ја извршуваш“, ни рече таа.
Ангела, прва од лево
Се разбира, по неа се вртат претставниците на машкиот пол, но Ангела вистинскиот маж го препознава по очите и насмевката. Од досегашното нејзино искуство на модел, смета дека кај нас модната сцена не е на некое високо ниво и дека тука манекенството може да биде само хоби.
Ангела сака да чита и зад себе има куп прочитани книги. Најомилена ѝ е „Загубената ќерка“ од Даен Чемберлен, но ги следи и филмските трендови.
„Понекогаш ми се случува во денот да изгледам дури и по неколку филма, затоа не можам да одвојам некој што би го гледала повеќе пати.“
И Ангела има неисполнет сон. Не многу комплициран. Сонот ѝ е да се појави на насловна страница како победничка на некој светски избор за убавина.
„Тоа уште од малечка го посакувам. Имам и други неисполнети сништа и желби, но јас верувам во себе и знам дека еден ден сите ќе станат реалност.“
И ние ти го посакуваме истото, Ангела!
