Новинската агенција АФП објави дека биле нападнати „командниот и контролниот центар“ на движењето Хути и местата за производство и складирање на проектили и беспилотни летала.
Американската централна команда за Блискиот Исток (Центком) на платформата Икс изјави дека нападнатите локации биле користени за напади врз американски воени бродови и трговски бродови во Црвено Море.
Хутите денеска објавија дека во понеделникот извршиле два напади врз Израел, чија армија тврди дека пресретнала ракета истрелана од Јемен пред да стигне до израелска територија, објави претходно новинската агенција АП.
Хутите истрелаа две ракети на аеродромот Бен Гурион во близина на Тел Авив и седиштето во Ерусалим, рече нивниот воен портпарол Јахја Саре.
Хутите, во знак на солидарност со Палестинците, од почетокот го напаѓаат Израел со ракети и беспилотни летала од почетокот на неговата војна во Појасот Газа на 7 октомври 2023 година, а Израел одговара со напади врз Јемен.
Хутите во Црвено Море и Аденскиот залив често гаѓаат бродови поврзани со Израел, САД и Велика Британија, а и некои други.
Портпаролот на хутите денеска зборуваше и за операцијата против американскиот носач на авиони УСС Хари Труман, што американската армија не го коментираше.
