„Она што сега треба да го видиме од Кина е да ја притисне Русија да ги повлече своите трупи, за Украина да може да ја врати својата територија и повторно да биде целосно суверена, во секоја смисла на тој збор“, кажа Бернс на конференција на аналитичката група Стимсон центар.
Тој додаде и дека би помогнало „кога Кина би ја натерала Русија да го прекине бомбардирањето на украинските училишта, болници и станбени згради“. Брнс наведе дека во последните два месеци е забележано „огромно губење човечки животи“ при руските воздушни напади.
Амбасадорот на САД во Кина кажа дека разговорот на кинескиот претседател Си Џинпинг и на украинскиот претседател Володимир Злеенски бил „добар прв чекор“, но дека е нејасно што ќе произлезе од тоа.
„Би сакале Кина да биде многу поцврста кога ги советува Русите. Би сакале да видиме акција за прекинување на војната, што е можно побрзо. Нормално, под услови кои украинската влада може да ги прифати“, кажа американскиот дипломат.
Додаде и дека Вашингтон со месеци „многу внимателно“ го следи прашањето за праќање кинеска воена помош на Русија.
„Не видовме докази дека Кинезите го прават тоа, но продолжуваме да набљудуваме“, заклучи Брнс.
