Американскиот амбасадор во Приштина Џефри Ховениер претходно изјави дека САД имаат две барања од косовската влада – да не инсистира градоначалниците да работат од општинските згради и полицајците да се повлечат од трите општини од северот на Косово.
„Морам да кажам дека во овој момент САД немаат многу ентузијазам да реагираат на некои интереси на Косово, како ангажман со земјите кои не го признаваат, или активна работа на унапредување на Косово на евроатлантскиот пат. Многу ни е жал што ситуацијата дојде до ова, но морам да бидат искрен, ситуацијата е таква. Се надеваме дека премиерот (на Косово Аљбин) Курти ќе го послуша нашиот совет и веднаш ќе преземе чекори за смирување на тензиите на северот“, кажа американскиот дипломат.
