Ако сè оди според планот, компанијата Интуитив машинс полека ќе го приземји својот шестоаголен робот Одисеј во близина на јужниот пол на Месечината, во 23:30 часот по средноевропско време.
Контролорите на летот треба да го потврдат слетувањето околу 15 секунди откако ќе се случи, а настанот ќе се пренесува во живо на веб-страницата на компанијата. Пред слетувањето, Одисеј ќе пушти надворешна камера која ќе ги „фати“ последните секунди од неговото спуштање.
Odysseus passes over the near side of the Moon following lunar orbit insertion on 21FEB2024. The lander continues to be in excellent health in lunar orbit.
(21FEB2024 1608 CST) pic.twitter.com/UX4kgkv5EW— Intuitive Machines (@Int_Machines) February 21, 2024
Обидот на друга американска компанија да го стори тоа минатиот месец заврши со неуспех, што им отежна на приватните компании да докажат дека можат да го повторат она што НАСА го направи со својата последна мисија на Месечината, Аполо 17, во 1972 година.
Скот Пејс, директор на Институтот за вселенска политика на Универзитетот Џорџ Вашингтон, изјави за агенцијата Франс прес дека САД повторно ги зајакнуваат своите способности за истражување на Месечината, по половина век пауза.
„Луѓето често се прашуваат – ‘ако го направивме тоа во минатото, зошто не можеме и сега?’“, рече Пејс, поранешен член на Националниот совет за вселенски работи. „Секоја генерација треба да го научи тоа одново“, додаде тој. „Имате предност, ја разбирате технологијата, проблемите и многу повеќе. Но, тоа е сè во книгите. Тоа не е искуство на летање што го имате во малиот прст“.
Odysseus, @Int_Machines’ uncrewed Moon lander, is targeted to touch down at the lunar South Pole at 5:30pm ET (2230 UTC) Feb. 22. Watch live with us as this Moon delivery brings science instruments to study the region. https://t.co/7U0WfJG56b pic.twitter.com/9JXBdD4y6K
— NASA (@NASA) February 22, 2024
Одисеј беше лансиран на 15 февруари со ракетата Фалкон 9 на Спејсекс. Неговата дестинација е кратерот Малаперт А, кој се наоѓа на околу 300 километри од јужниот пол на Месечината.
НАСА се надева дека со текот на времето ќе воспостави долгорочно присуство на Земјиниот сателит и таму од мразот ќе собира вода за пиење и за ракетно гориво. НАСА го прави ова како дел од програмата Артемис, чија цел е да воспостави база на Месечината, предуслов за идните човечки мисии на Марс.
Инструментите на Одисеј вклучуваат камери за проучување на промените на површината на Месечината под издувните гасови од моторите на вселенското летало и уред за анализа на облаците набиени со честички прашина кои во самракот лебдат над површината поради сончевото зрачење.
НАСА ѝ плати на компанија 118 милиони долари за транспорт на нејзиниот нов хардвер на Месечината, дел од иницијативата на Американската вселенска агенција со која сака да го делегира транспортот на товар до Месечината на приватниот сектор со цел да заштеди и да ја зајакне лунарната економија.
Првата приватна компанија што се обиде беше Астроботик со седиште во Питсбург, но од нејзиното вселенско летало Перегрин почна да истекува гориво, поради што на крајот беше вратено назад да изгори во Земјината атмосфера.
Вселенските летала што слетуваат на Месечината мора да совладаат опасни карпи и кратери и, во отсуство на атмосфера која поддржува падобрани, да се потпираат на потиснувачи кои го контролираат нивното спуштање. Околу половина од повеќе од 50 обиди досега биле неуспешни.
Досега само вселенските агенции на Советскиот Сојуз, САД, Кина, Индија и Јапонија успеаја да слетаат на Месечината.