„На средбата претседателот Мицкоски и потпретседателите Николоски и Муцунски укажаа на неспособноста на власта да се справи со кој било предизвик, уште помалку да развие политики на казнивост за сторителите на криминал и корупција. Претседателот Мицкоски укажа на лошата економска ситуација во која е државата и за зголеменото незадоволство и сиромаштија кај граѓаните“, информираат од ВМРО-ДПМНЕ.
На средбата станало и збор за идните проекти и цели од значење за граѓаните и државата, при што, како што е наведено во соопштението, акцент бил ставен на подобрување на квалитетот на живот на граѓаните. Станало збор и за активностите на ВМРО-ДПМНЕ.