„Дополнително на ова, зголемувањето на ДДВ од 5% на 10% за производите продолжува да биде во спротивност со замрзнувањето на цените, бидејќи ефектот од зголемување на ДДВ продолжува да се чувствува
во зголемувањето на цените на основните производи, што претставува оптоварување врз џебот на граѓаните уште повеќе.
Ова уште еднаш нè убедува дека оваа Влада нема ефективни политики за соочување со економската криза, а нејзината фискална и менаџерска политика сериозно ја оштетилa прехранбената индустрија и, следствено,
имаме намалување на производството и зголемување на извозот, што исто така влијае и на зголемување на животниот стандард. Дури и во извештајот на Светската банка се вели дека инфлацијата и понатаму е висока, а
економскиот раст за 1,8% до крајот на годината е најнизок во регионот.
Овие се причините што нè принудуваат да заклучиме дека дури и антикризните мерки што ги најави Владата се задоцнети и не го даваат посакуваниот ефект. Нашиот предлог е финансиска помош со доделување на ваучерите за социјално ранливите групи, за категориите со пониски примања и за пензионерите. Сметаме дека треба да се
зголемат пензиите и социјалната помош.
29% од пензионерите во земјава примаат минимална пензија од 13.000 денари, што е недоволно за опстанок во овие услови. Наша проценка е дека минималната пензија не треба да биде помала од 18.000 денари (300 евра), што е 80% од минималната плата во земјата и ова зголемување треба да биде линеарно и кај просечната инвалидска пензија и кај повисоките пензии. Ако сакаат решенија за благосостојба на граѓаните, секогаш има алтернатива“, се вели во соопштението на Алтернатива.
