Вардаровото дете, Јасир Асани со прекрасен гол во деветата минута донесе водство за Албанија од 1-0.
Чешка во 40. минута остана со играч помалку откако Чутил доби втор жолт картон. Албаните го искористија тоа и во вториот дел преку Сафери дадоа уште два гола и победија со 3-0.
Во оваа група Полска со 2-0 победи на гостувањето кај Фарските оствори.
Албанија е прва со 13 бодови, Полска е втора со 9, Чешка и Молдавија имаат по 8 бода, но и натпревар помалку.
Во последните две кола Албанија игра на гости кај Молдавија и дома против Фарските острови, па би било чудо доколку не заврши на едно од првите две места на табелата.
Пред пласман на Европското првенство е и Турција која денеска со гол на Јилмаз победи на гостувањето кај Хрватска.
Шпанија ѝ го нанесе првиот пораз на Шкотска во овие квалификации откако со голови на Мората и Сансет славеше со 2-0.
Во останатите денешни квалификациски натпревари, Косово со 3-0 славеше кај Андора, најубедлива беше Норвешка која со 4-0 го победи Кипар на негов терен, немаше голови на дуелот меѓу Белорусија и Романија, Летонија со 2-0 триумфираше над Ерменија.
