вторник, 18 јуни 2024

Ако ве касне змија вртете на единствениот број 112

Змиите се дел од природата и заедно со нив се одржува балансот на живиот свет. Тие бегаат од човекот, но ако се најдете во близина, ја вознемирите или нападнете змијата или случајно го нагазите овој влекач, тој можеби ќе ве касне. Проблемот е ако змијата е отровна. Треба брзо да се реагира. Од Центарот за управување со кризи препорачуваат веднаш да се повика службата на Центарот за управување со кризи – ЦУК, откаде веднаш ќе биде повикана соодветна служба за итна медицинска помош.

Објавено на

часот

Сподели

„Важно е да се потсети дека ако змијата е отровна, покрај правилната прва самопомош е многу важно и за што пократко време да се добие и медицински третман“, велат од ЦУК.

На единствениот повикувачки број за итни случаи 112 имало повици за многу различни итни случаи, меѓу кои и за опасност од присуство на змии во објекти во населени места. Карактеристично за овој период од годината е што змии се забележани и во најурбаните делови од Скопје.

Од ЦУК посочуваат дека понекогаш во одредени ретки случаи пожарникарите помагаат змиите да се отстранат од објекти и површини во населени места, како при симнување мачки од дрвја или повисоки места, но, нагласуваат, тоа не може да се оствари секогаш, особено во период на сезона на пожари.

„За вакви специфични случаи на појава на змии во објекти во населени места не постојат специјализирани институции за нивно отстранување, туку има физички лица, а и граѓански асоцијации за заштита на животните, кои можат да им помогнат на граѓаните за безбедно отстранување на змии, други влекачи од објекти и површини. Таквиот ангажман и слично, се остварува секако по непосреден контакт и договор со нив, во рамки на заеднички, а и законски можности“, се вели во соопштението.

ЦУК потсетува дека змиите се дел од природата и не е препорачливо да се убиваат

ТОП ВЕСТИ

ПОСЛЕДНИ ВЕСТИ