вторник, 21 мај 2024
Парламентарни избори 2024

Ахмети: Ние правиме историја, а опозицијата не знае чекор напред да направи

На 8 мај ќе треба да направите избор меѓу тие што прават историја или тие што не знаат два чекори напред да направат, порача синоќа од митингот на Европскиот фронт одржан на плоштадот во Тетово, лидерот на ДУИ, Али Ахмети.

Објавено на

часот

Сподели

„Никогаш не сум излегол да кажам тоа што не можам да го направам, сме дале ветување дека оваа земја треба да биде полноправен член, оваа земја треба да има мир, треба да биде членка на ЕУ со поддршка на САД, исто како што влеговме во НАТО. Друга алтернатива нема. Залудни се силите што сакаат да не спречат. На 8 мај ќе треба да направите избор меѓу тие што прават историја или тие што не знаат два чекори напред да направат“, истакна Ахмети.

Зијадин Села, лидер на едното крило на Алијанса за Албанците, која е дел од коалицијата, посочи дека граѓаните се тие кои одлучуваат за својата судбина.

„Вие сте луѓето кои одлучувате со вашиот глас и го остварувате вашиот суверенитет. Вие сте тука да им наредите на Мицкоски и на сите негови марионети, дека тие не одлучуваат. Вие одлучувате со вашиот глас за вашата иднина, а како што вие решивте на 24 април, истото ќе го правите и на 8 мај. Посилно ќе кажете ДА за Европа и НЕ за Русија“, рече Села.

Мендух Тачи од ДПА, порача дека Европскиот фронт е многу важен, со програма која има визија и цел.

„Нашата програма е многу јасна. Прво, стануваме дел од ЕУ, а ја тргаме и суспензијата на Албанија. ЕУ не е само хартија, туку е благосостојба, здравство, образование итн. Сите земји, но и Македонија, кога ќе отворат преговори, средствата за тие земји се множат. Знам дека ви е доста од политичките партии, но не го решаваме проблемот ако не им гарантираме на Албанците и на другите дека минималната плата на крајот на годината ќе биде 700 евра“, истакна Тачи.

Аријанит Хоџа од Европската демократска партија имаше пораки до албанската опозиција.

„Нема да дозволиме оние од опозицијата со помош на Мицкоски да им ги отсечат крилјата на орлите. На 8 мај да ја пренесеме моќната порака, последниот удар, покажувајќи дека ниту плачот на Биљал Касами, ниту Африм Гаши, ниту оние другите што ги менуваат позициите по пет пати на ден, не можат да ја спречат волјата на Албанците“, рече Хоџа.

ТОП ВЕСТИ

ПОСЛЕДНИ ВЕСТИ