вторник, 22 октомври 2024

Агрон Речи не е повеќе шеф на Државното правобранителство

Државниот правобранител Агрон Речи поднесе неотповиклива оставка и бара од Владата да ја прифати оставката на наредната владина седница и согласно Законот за дражвно правобранителство најдоцна во рок од седум дена од престанокот на вршење на функцијата, да биде вратен во охридското Државно правобранителство од каде беше именуван пред стапување на функцијата.

Објавено на

часот

Сподели

Речи со одлука на Владата од 18 април 2023 година беше именуван за државен правобранител. Претходно ја вршеше функцијата државен правобранител за подрачјето на Охрид, каде е именуван со одлука на Влада од ноември 2020 година.

„Оваа оставка ја поднесувам од лични причини, од кои најдоминантно влијание врз ваквото мое одлучување имаше околноста што сум фамилијарна личност, со оформено семејство кое не живее во градот каде што ја обавував функцијата. Одвоениот живот од семејството го инсинуира овој формален чин на напуштање на функцијата од моја страна. При потполно чиста совест и здрав разум, неприсилен од никого поднесувам неотповиклива оставка од функцијата државен правобранител“, се вели во оставката на Речи.

Тој тврди дека од денот на именувањето на  функцијата, се до овој момент, Речи нагласува дека достоинствено се соочил со сите предизвици кои се појавиле во поглед на правната заштита на имотните права и интереси на државата, преку редовно преземање на соодветни мерки и правни средства, вршејќи ги своите надлежности.

„Државното правобранителство, вклучувајќи ме и мене како носител на шефовската функција, чесно и доблесно ги извршуваше своите законски овластувања и обврски во поглед на застапување на државните и јавните органи, без во ниту една ситуација да наоѓа алтернативи и механизми за избегнување на одговорностите“, пишува во оставката доставена до Владата.

Како државен правобранител согласно своите законски ингеренции, Речи посочува дека до Владата поднел предлог за разрешување на двајца правобранители, поради нестручно и несовесно вршење на функцијата, кој бил прифатен како основан и тие се разрешени, но и нагласува дека за уште едно такво барање, за државен правобранител од подрачјето на Скопје, сѐ уште нема одлука, иако како што појаснува предлогот е доставен до поранешниот владин состав од чија страна не е постапено, меѓутоа ниту новиот состав на Владата се уште на одлучено. За дејствијата на кои се однесува предлогот, нагласува Речи, се води истражна постапка пред Основното јавно обвинителство.

„Не постапувањето на Владата фрла сомнеж врз околноста дали власта ќе се бори против криминалните дејствија, кои беа особено нагласуваан и истакнувани како приоритетен проблем во македонското правосудство од страна на актуелниот премиер или пак таквата флоскула беше употребена само заради набивање на политички поени во предизборна кампања“, вели Речи во оставката.

ТОП ВЕСТИ

ПОСЛЕДНИ ВЕСТИ