Бауер истакна дека присуството на нуклеарното оружје на Русија е нејзината клучна разлика од другите противници на западниот воен пакт.
„Апсолутно сум убеден дека кога Русите би немале нуклеарно оружје, ние одамна би биле во Украина и би ги исфрлиле од таму. Но, тие имаат нуклеарно оружје. Значи, не е исто како во Авганистан“, кажа Бауер.
🇺🇸🇷🇺‼️🚨 NATO officially answered why it is not sending troops into Ukraine:
“If Russia didn’t have nuclear weapons, we would already be there and throw it out” – Chairman of NATO Military Committee, Rob Bauer
PS: Unintentionally he also made the best point to acquire nukes. pic.twitter.com/StLWJwQ2ko
— Lord Bebo (@MyLordBebo) November 13, 2024
Тој кажа дека за него е голема разликата меѓу Авганистан и Украина, односно дека Авганистан никогаш немал стратегиско значење.
„Дали Украина има стратегиско значење? Да. Затоа што е поврзана со расправата за меѓународниот поредок заснован на правила, поврзана е со она што е во срцето на Европа, како и со амбициите на Русија и, индиректно, со амбициите на Кина“, наведе адмиралот на НАТО.
Бауер истакна дека „рускиот нуклеарен арсенал останува најголем во светот, и дека заедно со американскиот сочинува 90 отсто од светските залихи на нуклеарно оружје“’.
Идејата за испраќање НАТО трупи во Украина неколку пати е спомната од почетокот на конфликтот во Украина.
Во февруари францускиот претседател Емануел Макрон кажа дека не исклучува испраќање западни трупи во Украина, но повеќето сојузници на Киев, вклучувајќи ги Германија и САД, ја отфрлија таквата идеја.
