Грчкиот кошаркар имаше трипл-дабл учинок постигнувајќи 26 поени, 19 скокови и 10 асистенции. Тој беше прогласен за МВП.
Голема помош Адетокумбо имаше од Демјан Лилард кој го заврши мечот со 23 поени. Победата дојде благодарение на фантастичната игра во одбраната поради која противникот кој беше фаворит пред овој меч постигна само 81 поен.
Првата ѕвезда на Оклахома, Шеј Гилчес Александер мечот го заврши со 21 поен, но катастрофален шут од игра, 8 погодени од 24 обиди.
Секој играч на Бакс за триумфот во НБА купот доби по 515 илјади долари, додека на поразените кошаркари им припаднаа по 206 илјади. Милвоки му се придружи на Лос Анџелес Лејкерс како втор тим кој триумфирал во НБА купот.
