На состанокот било констатирано дека Црна Гора вложува максимални напори на Западниот Балкан да се промовира политика на регионална соработка, помирување, соживот, подобра економска поврзаност.
Абазовиќ, како што соопшти црногорската влада, истакнал дека Црна Гора е посветена на развојот на добрососедските односи со Србија, кои се дополнително зајакнати од заедничките европски цели и регионалниот контекст, „и засновани на економската, географската и политичката упатеност едни кон други“.
Кажал и дека е потребно да се унапреди економската соработка, „пред сè преку реализација на заедничките проекти во енергетиката и инфраструктурата“.
„Односите со Србија за владата на Црна Гора се приоритетни поради што сме спремни на интензивна соработка во сите области од заеднички интерес“, порачал Абазовиќ.
