Според евиденцијата на Институтот за јавно здравје, има намалување на бројот на заболени на 2.569 што е за 15 проценти помалку од претходно анализираната година. Меѓутоа, во февруари имало најмногу пријави за грип во изминатите 15 години.
„Во текот на оваа недела, во 2 извештајни единици се регистрира многу ниска, во 6 – сезонска, во 12 – средна, во 5 – висока, а во 3 (Дебар, Кратово и Свети Николе) – многу висока активност на вирусот на грип“, вели Марија Андоновска, директор на ИЈЗ.
Во сегашната сезона на грип има речиси 20.000 регистрирани случаи, а имало и лица кои во исто време биле заболени и со тип А и со тип Б.
