За време на вчерашниот пожар имало опасност и по куќите во селото, но ширењето на пожарот било спречено благодарение на брзата интервенција и заедничката акција на сите надлежни институции, велат од велешкиот Центар за управување со кризи.
Причините за пожарот, кој избувна вчера околку 13 часот, засега не се познати. Во тек е истрага, но надлежните се сомневаат на човечки фактор, односно фрлен отпушок на автопатот Велес – Скопје, како што беше случај во претходниот пожар на истата локација пред 4 дена. Но, тогаш пожарот беше помал, побрзо изгаснат и имаше помала штета. Од полицијата велат дека затоа тешко може да се открие сторителот на пожарот.
