УХМР соопшти дека се измерени -4 степени во Маврови Анови и Крушево, -1 во Претор, Виница, Тетово, Штип, Куманово, Охрид, Битола, Прилеп, Берово и во Крива Паланка, 1 степен во Демир Капија, Скопје-Петровец и во Струмица.
До 7 часот утрово 11 литри на метар квадратен дожд наврна во Демир Капија, 12 во Крива Паланка, 10 Виница, 8 Крушево, 7 Битола, Прилеп, 5 Струмица, Берово, Штип, 1 Скопје – Петровец, Претор, Куманово и Тетово.
Висината на снежната покривка е 43 сантиметри на Попова Шапка, 15 см во Тетово, Крушево и 10 сантиметри во Гостивар.
Времето денеска ќе биде претежно облачно и студено со повремени локални врнежи од дожд во делови од Повардарието и од снег во повеќе останати делови од земјата, а особено на северозападот и на северот. Ќе дува умерен до засилен ветер од северен правец, наместа со брзина над 60 km/h.
Максималната температура ќе достигне од 1 до 6 степени.
Во Скопје времето ќе биде облачно и студено од изутрина во делови од регионот со повремен снег кој во средината на денот ќе преминува во повремен дожд. Ќе дува умерен до засилен ветер од северен правец.
Максималната температура ќе достигне до 5 степени.
