Полицискиот оддел во Јемаси, Јужна Каролина, град со 2.000 жители, на Фејсбук објави дека младите женки макаки резус избегале во средата.
Во потрагата по избеганите мајмуни се вклучи и полицијата заедно со вработените во истражувачкиот центар Алфа Џенезис.
Поставени се стапици за да се фатат животните, а полицијата користи и термички камери за да ги пронајде.
Грег Вестергард, извршен директор на Алфа Џенезис, изјави за Си-ен-ен дека мајмуните избегале откако чуварот не ја заклучил вратата, истакнувајќи дека се работи за „100% човечка грешка“.
Полицијата вели и дека Алфа Џенезис тврди дека на овие мајмуни никогаш не биле вршени тестирања, и дека се премногу млади за да бидат носители на болест.
