вторник, 5 март 2024

ЈО покрена истрага за скопјанецот кој предизвика сообраќајка на пешачки и тешко повреди жена

Основното јавно обвинителство (ОЈО) Скопје донесе Наредба за спроведување истражна постапка против 65-годишник кој поминувајќи на црвено удрил во друго возило, а потоа ги нападнал оштетените нанесувајќи им тешки телесни повреди на еден од нив.

Фото: МИА

Објавено на

часот

Сподели

Како што соопштија од Јавното обвинителство, за осомничениот постои основано сомнение дека сторил кривичните дела насилство и предизвикување општа опасност.

„Осомничениот 65-годишник, на 27.12.2023 година, на булеварот Јане Сандански во Скопје предизвикал значителна опасност за двајца оштетени – мајка и син, а извршил и грубо насилство кон оштетената жена, нанесувајќи и тешки телесни повреди. Додека оштетените со своето возило се движеле по булеварот кон својот дом, осомничениот ги удрил со неговиот автомобил, непрописно поминувајќи преку пешачки премин на црвен семафор. Оштетениот кој управувал со возилото тргнал по осомничениот и на следната крстосница излегол за да го праша зошто ги удрил. Осомничениот тогаш излегол од автомобилот со нож во раката и почнал да се заканува“, пишува во соопштението од Јавното обвинителство.

Оттаму дополнуваат дека исплашен, оштетениот се вратил во возилото во кое била и неговата мајка, но осомничениот повторно влегол во неговиот автомобил и тргнал во рикверц, повторно удирајќи во возилото на оштетените.

„Расправијата продолжила, а кога од автомобилот излегла и мајката, осомничениот ја фатил за коса и започнал да ја влече, насилно ја турнал во неговиот автомобил и започнал да вози во правец кон Лисиче. По околу 600 метри застанал, ја извадил жената од колата и физички ја нападнал, удирајќи ја со клоци и тупаници, заканувајќи ѝ се дека ќе ја фрли во Вардар. На тој начин на оштетената и нанел тешки телесни повреди, три скршеници и потрес на мозок, а кај сведоци на настанот предизвикал чувство на загрозување и страв“, дополнуваат од ОЈО Скопје.

Јавниот обвинител до судијата на претходна постапка од Основниот кривичен суд Скопје доставил предлог за определување мерка притвор за осомничениот, бидејќи постои опасност од бегство и можност тој да ги повтори кривичните дела.

ТОП ВЕСТИ

ПОСЛЕДНИ ВЕСТИ