Денеска е голем јубилеј од првиот официјален меч на македонската фудбалска репрезентација, поминаа 30 години од тој историски натпревар кога Македонците под водство на Андон Дончевски забележаа убедлива победа над Словенија.
Зоран Бошковски – Чоко е стрелецот на првиот гол за Македонија, во листата на стрелци на тој меч се запишаа и Дарко Панчев, Чедомир Јаневски и Драган Канатларовски.
Покрај нив, на тој историски натпревар настапија уште: Зоран Мицевски, Кире Грозданов, Неџмедин Мемеди, Зоран Јовановски, Илија Најдоски, Ванчо Мицевски, Љупчо Марковски, Бобан Бабунски, Горан Георгиевски, Саше Милошевски и Тони Мицевски.
