Во возилото кое беше извадено од водите на Вардар биле пронајдени телата на три женски лица, а вчера во близина на несреќата беше пронајдено и безживотното тело на исчезнатото машко лице А.А.
Во оваа сообраќајка загинаа трите женски лица Н.А. (23), В.А. (25) и З.А. (59) сите од село Грчец, Скопско.
„Се работи на утврдување на причините за трагичната несреќа, а обвинителството продолжува со истрагата. Трагичните настани ги потресоа сите нас и напоменуваме дека истрагата ќе продолжи со цел да се утврдат сите околности“, изјавија од ОЈО.
Детето кое беше повредено во сообраќајната несреќа кај Рашче е веќе на домашно лекување.
Полицијата продолжува со истражување на настанот и преземање на сите неопходни мерки за расветлување на сообраќајната несреќа која заврши со човечки жртви.
