четврток, 18 април 2024

Комшике убава: Елена Вукановска

Објавено на

часот

Сподели

Од модел во водителски води, каде се чувствуваш како риба во вода?

Манекенството или фотомоделството навистина многу се разликуваат од работата на водител. За да бидеш водител не е доволно само убаво да изгледаш, туку и со она што ќе кажеш треба на гледачите да им го задржиш вниманието. Отсекогаш сум сакала да бидам медиумски присутна или да бидам телевизиско лице, сè си има своја убавина, а јас како риба се чувствувам и во вода и на суво.

Дали телевизијата ти е конечна определба или си имаш други професионални амбиции?

Во моментов водителството ми е професионална определба и ќе продолжам да се надоградувам себеси во тоа, затоа што претпоставувам дека добро ми оди. Концентрирана сум и на факултетот, односно да завршам и да бидам дипломиран економист, а за тоа што понатаму, ќе видиме што ќе ми донесе самиот живот. Во секој случај, не се откажувам од телевизијата.

Дали од професијата модел може да се живее во Македонија?

Ова е навистина интересно прашање, на кое би сакала да одговорам позитивно, но за жал таа ситуација е сè уште иста овде кај нас – од манекенството дефинитивно не може да се живее во Македонија.

Што ѝ недостига на македонската модна сцена според тебе?

Најпрво ѝ недостигаат луѓе што таа професија ќе ја сфатат сериозно, потоа тука е и поголемото медиумско внимание, па парите. И навистина уште многу работи од тој тип.

А во водителската?

ТВ-сцената општо во Македонија во однос на стајлингот навистина значително се подобрува во последните неколку години и тоа ме радува, треба само да продолжиме напред и секако да ги следиме светските брендови и светската мода.

Како се негуваш? Спортуваш ли?

Искрено, генетиката има најголема улога кај мене кога е во прашање мојот физички изглед, но исто така наоѓам време и за спортување. Најчесто трчам и одам на фитнес.

Што најмногу успева да те насмее?

Јас сум девојка што е воспитана да ги цени вистинските етички вредности во животот, па затоа ситниците можат најмногу и најслатко да ме насмеат, се разбира кога доаѓаат од луѓе што јас ги сметам за блиски.

 

 

ТОП ВЕСТИ

ПОСЛЕДНИ ВЕСТИ