Земјотрес со јачина од 6,8 степени е регистриран во близина на Куба, по земјотресот со јачина од 6 степени според Рихтеровата скала што ја погоди истата област пред само неколку часа, соопшти германскиот Центар за геофизички истражувања (ГФЗ).
Геолошкиот институт на Соединетите Американски Држави (УСГС) во неделата објави дека земјотрес со јачина од 6,8 степени според Рихтеровата скала погодил околу 40 километри јужно од градот Бартоломе Масо. Засега нема информации за загинати или повредени.
🔴 ATENCION: Un doble sismo sacudió #Cuba, con registros de 5.9 y 6.8 en la escala de Richter, causando daños en la isla. 🇨🇺 pic.twitter.com/y6oLXrVIEc
— TAVI (@xTAVIx) November 10, 2024
„Имаше лизгање на земјиштето, оштетувања на домови и на електрични водови“, рече кубанскиот претседател Мигел Дијаз-Канел во објава на социјалните мрежи, додавајќи дека се погодени областите Сантијаго де Куба и Гранма.
„Почнуваме да ја проценуваме штетата за да започнеме со обновување. Првата и најважна работа е да се спасат животи“, рече тој.
Земјотресот се случил на длабочина од 10 километри, а американскиот Национален центар за предупредување од цунами соопшти дека не се очекува закана од цунами.
Засега нема информации за евентуална материјална штета.
First images and videos from the M6.8 earthquake in Cuba.#cuba #earthquake pic.twitter.com/V4nNszv5RT
— Light Beings Observer (@BeingsObserver) November 10, 2024
Луѓето во погодените провинции рекоа дека земјотресот бил еден од најсилните што ги почувствувале во нивните животи – што не е мал подвиг во областа за која УСГС вели дека доживеала 23 земјотреси со јачина од 5 степени и повеќе во последните 50 години. „Сме почувствувале земјотреси во минатото, но ништо вакво“, изјави за новинската агенција Ројтерс жителката на Сантијаго Гризелда Фернандез.
Други жители во Сантијаго, вториот по големина град на Куба, велат дека земјотресот предизвикал тресење на зградите и дека многу луѓе сè уште нервозно стојат на своите прагови. „Требаше да видите како сè се мрда, ѕидовите, сè“, вели Јоланда Табио, 76-годишна жена од градот, за Асошиетед прес. Многу од домовите и зградите во регионот се постари и ранливи на штети од земјотрес.
Videos e imágenes del Terremoto 6.8 ocurrido esta tarde en Cuba 🇨🇺 pic.twitter.com/BWN5MCseNE
— TuiteroSismico𝕏 (@TuiteroSismico) November 10, 2024
