Украина „нема да може да прифати какви било договори“ постигнати без учество на земјата, рече Зеленски.
Тој додаде дека е „важно да не оди сè според планот на Путин“ и преговорите да не станат билатерален разговор меѓу Русија и САД.
Украинскиот претседател рече дека не го гледа телефонскиот разговор на Трамп со Путин „како знак дека разговорот со Русија бил приоритет за американскиот претседател“.
Но, додаде тој, тоа „во никој случај не е многу пријатно“. „Не може да се зборува за Украина без Украина“, а „и Европејците треба да бидат на преговарачка маса“
Зеленски рече дека му рекол на Трамп дека приоритет за неговата земја се „безбедносните гаранции“, нешто за што смета дека не е можно без поддршката на САД.
