Фестивалот е поддржан од Општина Пустец и градоначалникот Пали Колефски, македонското Министерство за култура, Обединета македонска дијаспора, Кромберг и Шуберт и Општина Велес.
На првиот фестивалски ден, пред публиката беше изведена и театарска претстава „ЈЗУ Европа” во изведба на актерите од штипскиот театар.
Фестивалот кој е главен културен двигател и културен промотор во Општина Пустец во организација на Здружението Сонце и Едмонд Сотир, годинава ќе трае до 30-ти јули, а ќе бидат одиграни и претставата, „Лидија или сѐ што знам за жените”, „Поетски слем Македонија” и концерт на „Трио џентлмен”.
